哼，为啥？
编写：文心
文字修正：丁迪蒙
每趟我搭了只塔，或者一幢小房子。伊拉就讲唻：勿错勿错，真是勿错！
挨下来又讲唻：现在，请侬拆脱伊，快点拿积木侪收起来。要整整齐齐个摆摆好噢！
每趟我侪照伊拉讲个做了，就是今朝，我偏偏勿听伊拉个了。
为啥呢？
爸爸个书有得老多，伊从来勿摆好个。姆妈个衣裳老老多个，房间里向里到处侪是。
我就勿明白了，伊拉做啥要皱眉头。一只塔、一幢房子，我好勿容易搭起来，难得有一次好搭得介好个，叫我拿伊一记头就拆脱了！
我要问个是：搿到底是为了啥呢？
伊拉做事体勿摆好没人讲伊拉个，为啥我做事体做了勿好伊拉就要讲我呢！
哼！
往期回顾：
图：网络 / 编辑：渺渺
赞 (0)